Xalq şairi Zəlimxan Yaqubun yubileyinə həsr olunmuş

"Şair ömrü" adlı tədbir keçirilib

Yanvarın  22-də Bakı Şəhər Mədəniyyət Baş İdarəsinin Xocəsən qəsəbə klubu və Binəqədi rayon Mərkəzləşdirilmiş Kitabxana Sisteminin 5 nömrəli filialının birgə təşkilatçılığı ilə 103 saylı tam orta məktəbdə Xalq şairi Zəlimxan Yaqubun yubileyinə həsr olunmuş "Şair ömrü" adlı tədbir keçirilib.

Tədbiri giriş sözü ilə açan klubun mədəni-kütləvi təşkilatçısı N.Qafarova iştirakçıları salamlayaraq, şairin həyat və yaradıcılığı haqqında oxuculara geniş məlumat verib.

Sonra məktəblilər şairin yazdığı əsərlərə həsr olunmuş ədəbi-bədii kompozisiya ilə çıxış ediblər.

Şairin yaradıcılığından bəhs edən kitab sərgisi məktəblilər tərəfindən maraqla qarşılanıb.

Tədbirdə Xocəsən qəsəbə klubunun və Binəqədi rayon MKS-nin 5 nömrəli filialının əməkdaşları, məktəbin müəllim və şagirdləri iştirak ediblər.