SAÇLAR

Qapqara saçların qara dönübdü,

Rəngi qar kimidi, üşüdür məni.

Nəfəsim gödəlir, ömrüm qısalır,

Enişlər, yoxuşlar tövşüdür məni.

Onun da yolu var, yolağası var,

Yol gedir həmişə qaradan ağa.

Qara tellərini qoruya bilsən,

Nə var yük daşıyıb, daş qaldırmağa.

Ağ saç üz ağlığı, baş ucalığı,

Vaxtında oyanıb, vaxtında gəlsə.

Ağ saç üz qarası, könül yanğısı,

Ağır xəstəliyin taxtında gəlsə.