SEVGİ

Gələndə yaşımı heç soruşmadı,

Baxmadı zamana, yaşa bu sevgi.

Birdən bir dəlisoy oğlana döndü,

Tutdu pəncərəni daşa bu sevgi.

Dedilər yol axtar qız ürəyinə,

Süzül damla-damla, sız ürəyinə.

Od qoydum yanmışın buz ürəyinə,

Az qaldı dünyanı aşa bu sevgi.

O səslər hələ də qulağımdadı,

Baharın həsrəti yanağımdadı,

Hələ ki  payızın sınağındadı,

Görək dözəcəkmi qışa bu sevgi?