BİR-BİR
Mənim yazdıqlarım yerdə qalarmı,
Hamısı düşəcək kitaba bir-bir.
Böyük mətləbləri, böyük dərdləri
Düzənlər düzəcək hesaba bir-bir.
Nələri gətirdim, nələri yada,
Uzağa, yaxına saldım səs-səda.
Ağrılar, acılar çox-çox olsa da,
Dözdüm hər ağrıya, əzaba bir-bir.
Yaralı nəğmətək dodaqda yandım,
Gövdədə alışdım, budaqda yandım.
Kömürdə alışdım, ocaqda yandım,
Döndüm köz üstündə kababa bir-bir.
Kimini sürdürüb, kiminisürüb,
Kimini daş kimi divara hörüb.
Allah, bir ömürdə göz nələr görüb,
Baxıramgünaha,savababir-bir.
Heç bir çevrilib hər bir şey oldu,
Göyüm yerə döndü, yerim göy oldu.
Zəlimxan saz idi, döndü ney oldu,
Düzüldü dərdlərim rübaba bir-bir.
|