Osman SARIVƏLLİ

DOĞRU YOLDA

   Gənc şair Zəlimxan Yaqubovun şeirlərini təxminən 1970-ci ildən izləyirəm. Onun «Ədəbiyyat və incəsənət», «Azərbaycan gənc­ləri» qəzetlərində, «Ulduz» və «Azərbaycan» jurnallarında və başqa mətbuat orqanlarında çıxan şeirlərinin, demək olar ki, ək­­səriyyətini oxumuş və yeri gəldikcə, fikirlərimi müəllifə söy­lə­­mişəm. Zəlimxanın şeirləri mözvü cəhətdən müxtəlif və onların bədii həlli baxımından rəngarəngdir. Gənc şairin yaradı­cılığı ictimai-siyasi ruhla, Ana təbiətin gözəlliyini təsvir və tə­rən­nüm edən şeirlərlə, eləcə də lirik parçalar, aşiqanə qoşmalar, təc­nislər, dodaqdəyməzlər və s. ilə zəngindir.

   ...Zəlimxanın şeirləri, əsasən, xalqımızın həyat, məişət ənə­nələrindən, onun yaradıcılığından, şeir dilindən qidalanır. Yeri gəl­mişkən, demək lazımdır ki, müəllifin xalq yaradıcılığına bö­yük məhəbbəti, dil, ifadə, ruh yaxınlığı, forma yaxınlığı fol­klo­run, aşıq şeirinin əsla kor-koranə təqlid və təkrarıdeyildir. İste­dadlı gənc şairin əsərləri mövzuları, fikir və mülahizələri, arzu və diləkləri etibarilə tamamilə orijinaldır.

   Müəllifin şeirləri dil sadəliyi, səlisliyi, fikir aydınlığı cəhət­dən oxucuya güclü təsir bağışlayır. Zəlimxan hələ gəncdir. La­kin o, doğru, düzgün yoldadır. Söz yox ki, getdikcə daha da in­ki­şaf və tərəqqi edəcəkdir. Biz istedadlı, gənc şairdən böyük ümid­lər gözləyir, bu yolda onauğurlar arzulayırıq.

   Vaxtı gəlib çatmışdır. Onun kitabının səliqə ilə hazırlanma­sınıvə çap olunub oxuculara çatdırılmasını məsləhət bilirəm.

1978