ZƏLİMXAN YAQUBUN “YANIQ KƏRƏMİ”Sİ

Yardımlıda, Savalanla üz-üzə, vaxtilə Şah İsmayıl Xətainin ova gəldiyi, Şahnişin (Şah oturan) deyilən yaylada, arandan başlayaraq, hər yerdə gədiklərlə, dağların sırtıyla uzanıb Ərdəbilə doğru aşan El Yoluyla Güneylə aramızı kəsən sərhəddə doğru addımlayırdıq. Yayın əvvəli olsa da, burda bahar hələ yenicə başlanırdı, dəniz dalğaları kimi bir-birini əvəz edən aşırımlar başdan-başa mavi, sarı, bənövşəyi çiçəklərlə bəzənmişdi. Orda-burda gözə dəyən ağ-qırmızı laləliklər sanki uzaq döyüşlərin qanlı

SƏNSİZ YAŞAMAĞA ÖYRƏŞMƏK ÇƏTİN...

Artıq iki ildir ki, O, cismən aramızda yoxdur. Öyrəşə bildikmi onsuz yaşamağa? Başqalarını deyə bilmərəm, mən öyrəşə bilmədim. Sadəcə onun yoxluğunu qəbul edə bilmirəm. Bu iki ildə elə bir gün olmayıb ki, mən gün-düzlər xəyalımda, gecə yuxumda onunla söhbətləşməyim. Elə bu kitabın hər səhifəsindən də onun xəbəri var: ünva-nına yazılan hər məqalə, hər şeir onun ruhuna əyan olub.

Xalq şairinin oğlu: “Atamın xəstəliyini hamıdan gizlətdim” - MÜSAHİBƏ

Kulis.az “Atamın xatirəsi” layihəsi çərçivəsində Xalq şairi Zəlimxan Yaqubun oğlu Bəhlul Yaqubovla söhbəti təqdim edir. - Ənənəvi sualımızla başlayırıq: Sizi layihəyə dəvət edəndə Zəlimxan Yaqubla bağlı ilk yadınıza düşən nə oldu? - Ən yadda qalan xatirələrimdən birini danışım. Bir gün gəldim gördüm ki, həyətdə ağacları sulayır. Ağaca söykənmişdi. Mənə dedi, oğul, sinəmə yaxşı şeir gəlib. Atama “bava” deyirəm. Dedim, ay bava, nə şeir? Dedi, 10 dəqiqədən sonra gəl.

Musa Nəbioğlu: “Zəlimxan Yaqub sözünü zamana deməyə gəlmişdi”

Müsahibimiz Azərbaycan Aşıqlar Birliyinin katibi, “Ozan dünyası” jurnalının baş redaktoru, Zəlimxan Yaqub ədəbi irsinin yorulmaz tədqiqatçısı, Əməkdar mədəniyyət işçisi Musa Nəbioğludur.

Zəlimxan Yaqubun Yunus Əmrə ilə görüşü- Şairin sufiliyə gedən yolu

Bu gün çağdaş Azərbaycan ədəbiyyatının ən məşhur simalarından olan mərhum Xalq şairi Zəlimxan Yaqubun vəfatından iki il ötür. Bu məqsədlə, Moderator.az saytında şairin irfanı dünyagörüşünə həsr etdiyimiz esseni təqdim edirik: Zəlimxan Yaqub dünyasını dəyişən zaman sosial şəbəkələrdə yazılan çoxsaylı başsağlıqları içərisində tanınmış şairlərdən birinin qeydi diqqətimizi çəkdi.

ƏZİZİM BALABANI...

Salam ustad! Xoş gördük, xalqımın böyük şairi! Sizə məktub yazmaq qərarına gəldim. Özü də təkcə hal-xoş etmək üçün yox. Həm də xeyli vaxtdı ürəyimi didib-parçalayan, necə deyərlər, məni məndən alıb məni təkrar yaman günə qoyan bir dərdin dərmanı kimi oxuduğum poemanıza münasibətimi bildirmək istəyirəm.

ZƏLİMXANSIZ KEÇƏN BİR İL

21 yanvar xalq şairi Zəlimxan Yaqubun anadan olan günüdür. Yanvarın doqquzu isə əbədiyyətə qovuşduğu gündür. Həmin gün Azərbaycanın Heydər Əliyev, Üzeyir Hacıbəyov, Cəlil Məmmədquluzadə, Yusif Məmmədəliyev, Səməd Vurğun, Mikayıl Hüseynov, Mustafa Topçubaşov, Qara Qarayev, Fikrət Əmirov, Rəsul Rza, Rəşid Behbudov və bir çox başqa dahi şəxsiyyətlərin uyuduğu Fəxri Xiyabanda şairin özünə yaraşan möhtəşəm abidəsinin açılışı və ölümünün ilinə toplaşmışdıq.

DÜNYA SƏNSİZ ÇOX MİSKİNDİ

Ustad Zəlimxansız ötən bir il Hə, yaxşı deyiblər, bu dünya gidi dünyadı… bu dünya gədə-güdə dünyasıdı… bu dünya lotu-potu dünyasıdı… bu dünya qaçaq-quldur dünyasıdı… bu dünya oğru-əyri dünyasıdı… bu dünya namərd, nakəs dünyasıdı… Hə, bir də bu dünya mərdlərin, kişilərin, insanların, sevgilərin və nəhayət, SÖZün dünyasıdı. Nə qədər gidiliyi, nə qədər gədalığı, nə qədər oğru-əyriliyi, nə qədər fahişəliyi olsa belə, bu dünya sözdən yaxa qurtara bilməz.

Zəlimxan Yaqub daim xalqının, millətinin sevgisini görüb

“Qələmsiz keçməyən ömür” rubrikasının növbəti qonağı tanınmış əməkdar mədəniyyət işçisi, Azərbaycan Aşıqlar Birliyinin katibi, Zəlimxan Yaqub irsinin araşdırıcısı Musa Nəbioğludur. Musa müəllim qələmə sədaqətli, sözə bağlı və Zəlimxan Yaqub irsinə dərindən bələd bir insandır. O, Zəlimxan Yaqubun ən sədaqətli dostu olub.

Zəlimxan Yaqubun "Hüseyn Saraçlı dastanı"

Zəlimxan Yaqubun 2006-cı ilin payızında qələmə aldığı "Hüseyn Saraçlı dastanı" dastan-romanı nəsrlə nəzmin qarşılıqlı vəhdəti şəklində yazılıb. Əsərin nəsrlə olan parçalarının təhkiyəsi çox mükəmməldir. Dili son dərəcə səlis və rəvandır. Həmin hadisələrin təsviri nəzmlə verilsə, bəlkə də, əsərin dilində xoşagəlməz bir yorğunluq yaranardı. Poemanın yazılmasında dastançılıq ənənəsinə kifayət qədər əməl edilib. Əsər üç ustadnamə ilə başlayır. Sonra isə müəllif buta almanı xatırladan yuxu görür.